சிப்பிக்குள் முத்து... !

பேருந்தில்... அருகில் நிற்கும்...
கர்ப்பிணிப் பெண்ணுக்கு…
எழுந்து இடம் தராமல்…
தூங்குவது போல் பாசாங்கு செய்யும் நீ…
என்னிடம் எதை எதிர்பார்க்கிறாய்… ?
காதலையா… ?

மௌன ராகம்... !

சிகப்புப் பாவாடை வேண்டும்…
என்று சொல்ல நினைத்து…
அவசரத்திற்கு வேறு எதுவும் கிடைக்காமல்…
தன் விரலை அறுத்து,
ரத்தம் காட்டிச் சிரிக்கிறாள்…

பாவனை செய்யும் ஊமைச் சிறுமி…

பாதகாணிக்கை... !

இராமனைக் காட்டுக்கு அனுப்பிய…

கைகேயி, வில்லி என்றால்…

கல்லும், முள்ளும் குத்தட்டும் என்று…

கால் செருப்பை வாங்கி வந்த பரதன்… ???

கண்டேன் சீதையை…

அப்பனுக்கு அறுபதாயிரம் மனைவிகள்…
ஒரு சந்தேகமும் இல்லை…
மகனுக்கு...
ஒரே மனைவி…
ஆயிரம் சந்தேகங்கள்…