தேடினேன்… வந்தது…

கடற்கரை மணலில்…
நடந்து சென்று…
திரும்பிப் பார்த்தபோது…
என்...

காலடித் தடங்களைக் காணவில்லை…

வறுமையில் நிறம் சிவப்பு... !

புத்தகம் சுமக்கும் வயதில்…

செங்கல் சுமக்கும் சிறுவன்…

இளமையில் கல்… !

நாளை… !

இன்றே சிரித்துவிடு…

நாளை…

நீயும் காதலிக்கலாம்… !

நம் நாடு… !

“ரோஜா” படத்தில்…
தேசியக் கொடி எரிக்கப்படும்போது…
உடம்பால் அணைக்கும் அரவிந்தசாமியை…
தீவிரவாதிகள் அடிக்கும்போது…
பின்சீட்டில் இருந்து குரல் வந்தது…
“போடு… இன்னும் அட்றா அவனை… “

சிப்பிக்குள் முத்து... !

பேருந்தில்... அருகில் நிற்கும்...
கர்ப்பிணிப் பெண்ணுக்கு…
எழுந்து இடம் தராமல்…
தூங்குவது போல் பாசாங்கு செய்யும் நீ…
என்னிடம் எதை எதிர்பார்க்கிறாய்… ?
காதலையா… ?

மௌன ராகம்... !

சிகப்புப் பாவாடை வேண்டும்…
என்று சொல்ல நினைத்து…
அவசரத்திற்கு வேறு எதுவும் கிடைக்காமல்…
தன் விரலை அறுத்து,
ரத்தம் காட்டிச் சிரிக்கிறாள்…

பாவனை செய்யும் ஊமைச் சிறுமி…

பாதகாணிக்கை... !

இராமனைக் காட்டுக்கு அனுப்பிய…

கைகேயி, வில்லி என்றால்…

கல்லும், முள்ளும் குத்தட்டும் என்று…

கால் செருப்பை வாங்கி வந்த பரதன்… ???

கண்டேன் சீதையை…

அப்பனுக்கு அறுபதாயிரம் மனைவிகள்…
ஒரு சந்தேகமும் இல்லை…
மகனுக்கு...
ஒரே மனைவி…
ஆயிரம் சந்தேகங்கள்…